Serokwezîrê niha yê Almanya Scholz bû namzedê SPDê

PeyamaKurd – Partiya Sosyal Demokrat a Alman (SPD) ji bo hilbijartinên pêşwext ên biryar e 23yê Sibatê bêne kirin, serokwezîrê niha Olaf Scholz wekî namzedê xwe destnîşan kir.

Piştî ku koalîsyona Lambeyên Trafîkê ya ji partiyên SPD, Partiya Keskan, Partiya Demokratên Azad (FDP) pêk dihat hilweşiya biryara hilbijartinên pêşwext hatibû standin.

Li gorî medyaya Alman, partiyên Almanî yên mihafezekar, SPD û Partiya Keskan li ser 23yê Sibata 2024an bo lidarxistina hilbijartinan li hev kirine.

SPDê Scholz wekî namzedê xwe yê serokwezîrîyê destnîşan kir ku beriya niha Wezîrê Berevaniyê Boris Pistorius ê ji SPDyê ji namzediyê vekişiyabû.