Serokwezîr Mesrûr Barzanî bi sandeke payebilind re serdana Bexdayê dike

PeyamaKurd – Serokwezîr Mesrûr Barzanî çû Bexdaya paytexta Iraqê.

Serokwezîr Mesrûr Barzanî bi şandeke payebilind a hikûmetê re serdana Bexdayê dike.

Serokwezîr wê bi Serokwezîrê Iraqê Mihemed Şîa Sûdanî re bicive.

Di hevdîtinê de çareserkirina pirsgirêkên navbera Herêma Kurdistanê û hikûmeta federal, rêkeftina dosyeya petrolê û destpêkirina şandina petrola Herêma Kurdistanê wê were gotûbêjkirin.

Serokwezîrê Herêma Kurdistanê di peyama xwe ya li ser hesabê xwe yê Twitterê de wiha got: "Ez diçim Bexdayê ji bo ku rêkeftina me ya derbarê destpêkirina hinartina petrola Herêma Kurdistanê bi dawî bibe."