Serokwezîr Barzanî pîrozbahî li derçûyîyên Zanîngeha Selahedînê kir

PeyamaKurd – Serokwezîr Mesrûr Barzanî duhî li Hewlêra paytext beşdarî ahenga derçûna xwendekarên Zanîngeha Selahedînê bû û pîrozbahî li xwendekarên derçûyî yên zanîngehê kir.

Serokwezîr Mesrûr Barzanî kêfxweşiya xwe ji ber beşdarbûna wê ahenga derçûnê li ser hesabê xwe yê Xê belav kir û got, “Kêfxweş bûm ji ber ku beşdarî ahenga derçûna xwendekarên Zanîngehê Selahedînê bûm. Pîrozbahiyê li hemû xwendekarên xweşdivî dikim.”

Serokwezîr di berdewama peyama xwe de jî got, “Ciwanên me serkirdeyên siberoja Kurdistanê ne. Ji bo siberojeke geştir a ku pêdiviya miletê me pê heye, em ê ji bo wan derfetan ava bikin.”