Serokkomarê Îranê Rûhanî serdana Bexdayê kir

PeyamaKurd -  Serokkomarê Îranê Hesen Rûhanî serdana Iraqê dike û bi berpirsên payebilind ê Îraqê ra di bicive.

Serokkomarê Îranê Hesen Ruhanî îro duşemê (11.03.2019) tevî şandekê gihişt paytexta Îraqê Bexdayê û biryar e bi  berpirsên payebilind ên Iraqê ra bicive û gotûbêja têkilîyên Tehran û Bexdayê bike.

Serdana Rûhanî bo Îraqê ji aliyê wezîrê wî yê derve ve wek serdaneke dîrokî hat binavkirin. Armanca vê serdanê bihêzkirina pêwendiyan di navbera Îranê û hikûmeta Îraqî de ku Şiî wê kontrol dikin û ew hevalbenda bihêz a Tehranê ye.

Duh (10.03.2019) Wezîrê Derve yê Îranê Mihemed Cewad Zerîf ragihandibû, ku Hesen Ruhanî piştî serdana Bexdayê dê serdana Necefê jî bike û bi merciya bilind a şiîyên Iraqê Ayetulla Elî Sîstanî ra jî bicive.