Serokê Hizbullahê bang li deshilata Sûriyê kir: Îsraîlê wek dijmin nas bike!

PeyamaKurd - Sekreterê Giştî yê Hizbulaha Lubnanê Neîm Qasim ragihand ku divê desthilata nû ya Sûriyeyê Îsraîlê wekî dijmin nas bike.

Sekreterê Giştî yê Hizbulaha Lubnanê Neîm Qasim got: “Em hêvîdar in ku partiya niha ya desthilatdar (li Sûriyeyê) Îsraîlê wekî dijminekî bibîne û pêwendiyên xwe bi wî welatî re normal neke.”

Neîm Qasim li ser agirbesta 60 rojî ya bi Îsraîlê re jî got: “Agirbest nayê wateya danîna çekan. Eniya Berxwedanê xwe li gorî rewşê adapte dike.”

Hêjayî gotinê ye, şerê di navbera Hizbulah û Îsraîlê 8ê Cotmeha 2023yan piştî êrîşa Hemasê ya ser Îsraîlê dest pê kiribû di meha Mijdara îsal de jî agirbest hatibû ragihandin.