Serokê herî dirêj jiya yê Dewletên Yekbûyî yên Amerîkayê Carter koça dawî kir

PeyamaKurd – Serokê berê yê Amerîkayê Jimmy Carter di 100 saliya xwe de koça dawî kir. Derbarê sedema mirina Carter de tu daxuyanî nehat dayîn.

Jimmy Carterê 39emîn Serokomarê Amerîkayê di 100 saliya xwe de koça dawî kir. Hat hînbûn ku Carter li malê nefesa xwe ya dawî kişandiye. Derbarê sedema mirina Carterê ku yek ji lîderên efsanewî yê welêt e de tu daxuyanî nehat dayîn.

Ew serokê Dewletên Yekbûyî yê herî dirêj jiya bû

Carter ji her serokên din ên Dewletên Yekbûyî dirêjtir jiya. Ew di Sibata 2023an de ji ber nexweşiyên wî yên pêşkeftî yên ji ber pîrbûna wî li mala wî ya li Plains, Georgia, di bin tedawiyê de bû.