Serok Barzanî pêswaziya gelek kesayetî û nûnerên Kurdên Feylî kir

PeyamaKurd – Serok Mesûd Barzanî got, Kurdên Feylî sembola fedakarî û hezkirina Kurdewarî ne û mînaka eşkere ya zilma ku li gelê Kurd tê kirin e.

Îro Yekşemê 03.11.2024 Serok Barzanî li Selahedîn bi nûnerên Yekîtiya Kurdên Feylî û kesayetiyên Feylî re civiya.

Li hevdîtinê de şanda mêvan agahdar kir Serok Barzanî li ser aloziyên Kurdên Feylî û bêparbûna ji nasname û mafên hevwelatîbûnê û kêşeyên ku ji ber siyasetên şovenîstî yên rejîma Iraqê di dema borî de pêk aniye û pirsgirêkên heta îro berdewam bike.

Herwiha şanda mêvan spasiya Serok Barzanî kir ku mafên Kurdên Feylî parastiye û ji dema borî de piştevanekî bi biryar bûye.

Serok Barzanî jî kêfxweşiya xwe ya bi pêşwazîkirina şanda mêvan nîşan da û pêzanînên xwe jî ji bo helwesta wan nîşan da.

Serok Barzanî got, Kurdên Feylî sembola fedakarî û hezkirina Kurdewarî ne û mînaka eşkere ya zilma ku li gelê Kurd tê kirin e û destnîşan kir ku Kurd ji ber nasnameya xwe ya netewî rastî zilmê hatine, sirgûn û koçber bûne.

Serok Barzanî dûpat jî kir ku ew ê bi hemû hêza xwe piştevanî û aramkirina hemû maf û daxwazên Kurdên Feylî bikin.