Serekî dijwar di navbera pêsmergeyên PDK-Î û Artêsa Îranê de

PeyamaKurd - Fermandariya Hêzên Pêşmerge yên Partiya Demokratîk a Kurdistanê (PDK-Î) ragihand, ku li navçeya Bukanê ya ser bi parêzgeha Urmiyê di navbera pêşmergeyên wan û çekdarên Supaya Pasdaran a Îranê de şer derketiye û di encamê de 4 pasdar hatine kuştin û hin jê jî hatine birîndarkirin.

Fermandariya Hêzên Pêşmerge yên Partiya Demokratîka Kurdistanê (PDK-Î) daxuyaniyek ragihand û  di daxuyaniya xwe diyar kir ku li navçeya Bukanê ya ser bi parêzgeha Urmiyê ve di navbera pêşmergeyên wan û çekdarên Supaya Pasdaran a Îranê de şer derketiye û di encamê 4 pasdar hatine kuştin û birîndarkirin.

Li gor agahiyên daxuyanî dide zanîn: “Li derdora gundê Koke li devera Pîr Mihemed a Bukanê, şerekî giran di navbera Hêza Pêşmerge ya Kurdistanê û çekdarên Supaya Pasdaran a Îrnaê de çêbûye û çar pasdar hatine kuştin hin jê jî hatine birîndarkirin..”

Di daxuyaniya xwe de, Fermandariya Hêzên Pêşmerge yên Kurdistanê (PDK-Î) diyar kiriye, ku şerê navbera pêşmergeyên wan û Supaya Pasdaran a Îranê şeva bihorî li derdora gundê Koke ya Bukanê derketiye û şer û pevçûn demjimêrekê berdewam bûye.

Di daxuyaniyê de tê gotin: “Di vî şerî de 4 endamên Supaya Pasdaran hatine kuştin û birîndarkirin û hêzên Îranê çend kes desteser kirine û zirareke mezin jî gihandine zewiyên çandiniyê yên Koke, Derwêşan û Êskî Bexdayê.”

Herwiha li gorî heman daxuyaniyê, “di wî şerî de ti zirarek negihîştiye pêşmergeyên Partiya Demokrata Kurdistana Îranê.”