Serdozgerê ku daxwaza girtina Netanyahu kiribû ji posta xwe hate dûrxistin
Serekdozgerê Dadgeha Cezayê ya Navneteweyî (ICC) Kerîm Xan, piştî bidawîbûna lêpirsîna li ser îdiayên tacîzê ya zayendî ya li dijî wî, ji posta xwe hate dûrxistin.
RûpelNews - Di dengdana veşartî ya ku di rûniştineke Meclîsa Dewletên Aliyên Dadgeha Cezayê ya Navneteweyî (ICC) de li Navenda Neteweyên Yekbûyî (NY) hat lidarxistin, biryar hat dayîn ku dema karê Xan bi dawî bibe. Ev di dîroka ICCyê de cara yekem e ku Dozgerê Giştî yê di postê xwe de ji kar tê dûrxistin.
Xan di Gulana 2024an de bala civaka navneteweyî kişandibû ku dema ku wî ji ber tawanên îdiakirî yên şer û tawanên li dijî mirovahiyê yên ku li Xezeyê hatibûn kirin, daxwaza biryara girtinê ji bo Serokwezîrê Îsraîlê Binyamin Netanyahu û Wezîrê Parastinê yê wê demê Yoav Gallant kiribû.
Piştre derbarê îdiayên tacîza zayendî yên li dijî Xan de lêpirsînek hat destpêkirin, her çend wî hemû tohmet red kirin. Hat ragihandin ku, tevî ji kar dûrxistina wî, biryarnameyên girtinê yên ku berê ji aliyê ICC ve hatibûn derxistin dê di meriyetê de bimînin.
