Sanda Swêdê li Enqerê bi rayedarên Tirk re civiya

PeyamaKurd – Şandeke Wezareta Dadê ya Swêdê li paytexta Tirkiye Enqereyê bi rayedarên Wezareta Dadê ya Tirkiyê re dest bi hevdîtinan kir.

Tirkiyê beriya niha herdu welatên Swêd û Fînlandê bi piştevaniya terorê tawanbar kiribû û li beramber rakirina vetoya endamtiya NATO ya Swêd û Fînlandê daxwaza radestkirina hejmarek kesan kiribû.

Piştre herdu welatan li lutkeya NATO ya Madrîdê rêkeftinek îmze kiribûn û di wê çarçoveyê de jî Wezareta Dadê ya Tirkiyê lîsteya radestkirina hejmarek kesan bi hinceta terorê dabû wan.

Hêjayî bibîrxistinê ye, Swêdê jî çend roj berê ambargoya çekan a ser Tirkiyê ku dema êrîşên Tirkiyê yên sala 2019an ên bi ser Rojavayê Kurdistanê de, danîbû ser Tirkiyê rakiribû.