Sanda rejîma Sûriyê li ser vexwendina Îranê diçe Tehranê

PeyamaKurd - Rojnameya El-Watan a girêdayî rejîma Sûriyê ragihandiye ku îro Yekşemê şandeke fermî ya Sûriyê bi serokatiya Wezîrê Derve Feysal El-Miqdad li ser vexwendina Îranê serdana Tehranê dike.

Li gorî rojnameyê şanda bi seroktiya Feysel Miqdad û cîgirê wî Beşar El-Ceferî wê bi rayedarên pilebilind ên Îranê re bicivin.

Çavkaniyan diyar kiriye ku wê serdan 2 rojan dewam bike û wê di civînan de xurtkirina têkiliyên stratejîk ên her du welatan werin gotûbêjkirin.

Wezîrê Derve yê Sûriyê ji dema hatiye ser kar ve cara duyem e serdana Tehranê dike ku yekem car e bi rêveberiya nû ya serokomarê Îranê Îbrahîm Reîsî re danûstandina fermî pêk tîne.