Sanda Kurdistanê bi komîsyonên parlamena Iraqê re civiya

PeyamaKurd – Şanda Hikûmeta Herêma Kurdistanê ya danûstandinkar ku ev demek e li Bexdayê ye, îro 16ê Kanûnê li Parlamena Iraqê bi komîsyonên pêwendîdar li ser mijara budçe û kêşeyên Hewlêr-Bexdayê re civiya.

Hat ragihandin ku şanda bi seroktiya Cîgirê Serokwezîrê Hikûmeta Herêma Kurdistanê Qubad Talabanî, li parlamena Iraqê bi komîsyonên darayî û bi rêkeftina Hewlêr û Bexdayê re pêwendîdar re civînek saz kir.

Di hevdîtinan de, mijarên petrolê, mûçeyên karmendên Kurdistanê û para Herêma Kurdistanê ya budçeyê di yasaya budçeyê ya 2021ê de hatin gotûbêjkirin.

Şanda danûstandinkar a Herêma Kurdistanê beriya niha jî dabû xuyakirin, heta çareseriyek neyê peydekirin ew ji Bexdayê venagerin.