Sanda Herêma Kurdistanê rola nûneratiya Îtalyayê bilind nirxand

PeyamaKurd – Sefîn Dizeyî Berpirsê Fermangeha Pêwendiyên Derve ya Herêma Kurdistanê û Mihemed Şukrî Serokê Desteya Veberhênana Herêma Kurdistanê serdana nûneratiya Herêma Kurdistanê li Îtalya kirin û xebatên nûneratiyê bilind nirxand.

Dizeyî û Şukrî ku duh Çarşemê 27ê Adarê serdana Nûnertiya Herêma Kurdistanê ya li Îtalyayê li Romayê kiribûn, ji aliyê nûnerê hikûmetê Rêzan Hemasale û karmendên nûneratiyê ve hatin pêşwazîkirin.

Nûnerê Hikûmeta Herêma Kurdistanê Hamasale li ser kar û çalakiyên xwe û herwiha saziyên Îtalî û pêwendiyên wan ligel Kurdên derveyî welat agahdarî da beşdaran.

Pişt re Sefîn Dizeyî û Mihemed Şukrî rola nûneratiya Herêma Kurdistanê li Îtalyayê bilind nirxand.