Rûsyayê derbarê CEOyê Telegramê de biryara girtinê da
Rûsyayê derbarê Pavel Durov ê damezrîner û CEOyê Telegramê de bi tohmetên 'piştgiriya çalakiyên terorîstî' biryara girtinê ya navneteweyî da.
RûpelNews - Servîsa Ewlekariya Federal a Rûsyayê (FSB) îdia kir ku Telegram li ser rakirina wan kanal û botên ku ji bo hevrêzkirina kiryarên terorîstî û sabotajê li Rûsyayê dihatin bikaranîn, erka xwe bi cîh neanî.
FSBê îdia kir ku servîsên îstixbaratê yên Ukraynayê û rêxistinên terorîst û tundrew li ser Telegramê gelek kanal, komên sohbetê û botan bi kar tînin da ku li Rûsyayê çalakiyên sabotajê û êrîşên terorîstî, komkujî û sextekariya sîber pêk bînin.
Hat ragihandin ku li ser Durov bi tohmetên alîkariya çalakiyên terorîstî lêpirsînek tê meşandin û ji bo wî biryara girtinê hate dayîn.
Rûsyayê berê Telegramê asteng kiribû û cezayekî giştî yê 100 milyon rûbleyî li şîrketê birîbû.
Telegram li Rûsyayê yek ji sepanên peyamname û medyaya civakî yên herî populer e.
