Rûsyayê banga arambûnê li aliyan kir: Bi rêyên dîplomatîk çareser bikin!

PeyamaKurd- Wezareta Derve ya Rûsyayê, piştî êrîşa berfireh a Îranê ya şeva borî bi ser Îsraîlê de ku hate têkşikandin, daxuyaniyek belav kir.

Di daxuyaniya nivîskî ya Rûsyayê de, bang li aliyan hate kirin ku bi aramî tevbigerin û pirsgirêkên herêmê bi rêyên dîplomatîk çareser bikin.

Di daxuyaniyê de hatiye gotin, Rûsya piştî êrîşa bersivdana êrîşa Îsraîlê ya ser konsulxaneya Şamê, ji zêdebûna rageşiyê û şer gelekî bi endîşe ye.

Herwiha hate gotin, Rûsyayê gelek caran di serî de ji bo kêşeya Îsraîl-Filîstînê û pirsgirêkên din ên Rojhilata Navîn hişyariyên xwe yên bo çalakiyên provokatîf ên neberpirsiyarane daye aliyan.