Rûsya: Me 35 dronên Ukraynayê xistin xwar

PeyamaKurd - Wezareta Berevaniya Rûsyayê ragihand ku yekîneyên wan yên hêzên asmanî şeva borî 35 dronên Ukraynayê xistine xwar.

Wezaratê li ser ’Telegeramê’ ragihandiye, nîvên dronan li herêma Kurskê ya li ser sînorê Ukraynayê hatine rûxandin û yên mayî jî li gelek deverên din ên li rojava û başûrê Rûsyayê hatine bêbandorkirin.

Hêjayî gotinê ye, medya Amerîkî ragihandiye ku Serokê Amerîkayê Donald Trump ji bo bidawîkirina şerê li Ukraynayê bi hempîşeyê xwe yê Rûs Vladimir Putin re pêwendî daniye.

Trump roja Îna borî jî gotibû, ew ê di nav çend rojên pêş de de bi Serokê Ukraynayê Volodymyr Zelensky re bicive û bidawîkirina şer gotûbêj bike.