Rojnamevanê Kurd xelata 'Kurt Schork' a 2019an wergirt

PeyamaKurd – Rojnamevanê Kurd Senger Xelîl li Brtînyayê xelateke navdewletî ya rojnamevanî wergirt.

Senger Xelîl ku di şerê DAIŞê de li Iraqê zanyarî vediguhestin medya cîhanê li paytexta Brîtanya Londonê di Merasîma Bîranîna Kurt Schork de Xelata Kurt Schork a News Fixer ya 2019an wergirt.

Hat zanîn ku Xelîl ji ber hevkarî û alîkariya xwe ya rojnamevanên medya cîhanê li Iraqê, bi Xelata Kurt Schork a 2019an hatiye xelatkirin.

Rojnamevan Senger Xelîl li Berdereş a Duhokê hatiye dinê û ji Zankoya Kurdistanê destûryar bûye.

Wê Xelîl ji bo vê xelata ku Komela Thomson Reuters dide, herwiha 5 hezar dolar jî wergire.