Rojava | Hêzên Rûs-Tirk di salekê de 32 caran dewriyeyên hevbes kirin

PeyamaKurd - Polîsê leşkerî yê Rûsyayê û hêzên artêşa Tirkiyê di çarçoveya rêkeftina Soçiyê de, îro dewriya 32 yemîn a hevbeş li gundewarê Dirbêsiyê yê hevsînorê Rojava û Bakurê Kurdistanê gerandin.

Salek berê wekî îro Rûsya û Tirkiyê li ser dewriyeyên hevbeş li nav axa Rojavayê Kurdistanê li hev kiribû.

Îro dewriya 32yemîn ji gundên rojavayê navҫeya Dirbêsiyê ji gundê Şêrik dest pê kir û ber bi Qermanî, Xenamiyê, Karbetlî, Cedîde û Xanikê ve ҫû û piştre dîsa vegeriyan cihê destpêkê gundê Şêrikê.

Hat ragihandin ji bilî 4 wesayîtên leşkerî  yên her du aliyan, du hêlîkopeterên Rûsyayê jî çavdêriya dewriyeyê kirin.