Rojava | Di rojekê de 304 pêketî û 8 mirinên ji koronayê hatin tomarkirin

PeyamaKurd - Desteya Tenduristiyê ya Rêveberiya Xweser a Rojavayê Kurdistanê ragihand ku di nav 24 saetên dawî de, 304 kesên din bi Koronayê ketine û 8 kes jî mirine.

Hevserokê Desteya Tenduristiyê Dr. Ciwan Mistefa eşkere kir, li herêmê 8 nexweşên koronayê can dane û 304 kesên din jî pê ketine.

Hat diyarkirin ku li Hesekê: 30, li Qamişlo: 80, li Dêrik: 35, li Dirbêsiyê: 7, li Kobanê: 26, li Reqa: 53, li Tebqa: 54, li Minbic: 10, li Kampa Holê: 2 û li Şehba: 7 kes bi koronayê ketine û 6 kes jî baş bûne.

Bi van amarên dawî re li Rojavayê Kurdistanê hejmara pêketinan gihîşt 13 hezar û 883 kesan, ya mirinan bû 456 kes û û hezar û 436 kes jî baş bûne.