Rêberê Olî yê Îranê Xameneyî: Dibe ku eniyên nû yên şerî werin vekirin
Rêberê Olî yê Îranê Mucteba Xameneyî derbarê gotinên rayedarên Amerîkayê yên li ser egera mudaxeleyeke leşkerî ya li dijî Îranê de daxuyaniyek da. Xameneyî got ku eger rewşa şer bidome, dibe ku eniyên nû werin vekirin.
RûpelNews - Di peyameke ku li ser hesabê fermî yê Telegramê yê serokatiya Îranê hate weşandin, wiha hat gotin: "Li cihên ku dijmin bêparastin e û bê tecrube ye, ji bo vekirina eniyan xebat hatiye kirin. Heke rewşa şer bidome, dê ji bo berjewendiyên neteweya me eniyên din ên weha werin vekirin."
Ev daxuyanî piştî wê yekê hat ku Serokê Amerîkayê Donald Trump ragihand ku êrîşa leşkerî ya li dijî Îranê, ya ku ji bo sibê hatibû plankirin, li ser daxwaza serokên Qeter, Erebistana Siûdî û Mîrnişînên Erebî yên Yekbûyî hatiye paşxistin.
