Rakirina parêzbendiya Ozgur Ozel û 11 parlamenteran hat pêşkêşkirin
Çardeh dosyayên parêzbendiyê yên derbarê 12 parlamenteran de, di nav de Ozgur Ozel, ji Serokatiya Parlamentoya Tirkiyeyê re hatin pêşkêşkirin.
RûpelNews - Çardeh dosyeyên parêzbendiyê yên derbarê 12 parlamenteran de, di nav de Serokê Koma CHPê Ozgur Ozel û Cîgirê Serokê Koma ÎYÎ Partiyê Turhan Çomez, ji Serokatiya Parlamentoya Tirkiyeyê re hatin pêşkêşkirin.
Biryarên serokatiyê yên derbarê rakirina parêzbendiya parlamenteriyê de ji aliyê Serokatiya Parlamentoyê ve ji Komîteya Hevbeş re hatin şandin, ku endamên Komîteyên Karûbarên Destûrî û Dadweriyê tê de cih digirin.
Parlamenterên dosyeya wan ji Komîteya Hevbeş re hatîn şandin ev in: Serokê Koma CHPê Ozel, Cîgirê Serokê Koma ÎYÎ Partiyê Turhan Çomez, Parlamenterê CHPê yê Erzinganê Mustafa Sarigul, Parlamenterê CHPê yê Çanakkaleyê Ismet Guneşhan, Parlamentera CHPê ya Zonguldakê Eylem Ertug Ertugrul, Parlamenterê CHPê yê Sêwazê Ulaş Karasu, Parlamenterê CHPê yê Aydinê Suleyman Bulbul, Parlamenterê CHPê yê Stenbolê Cemal Enginyurt, Parlamenterê CHPê yê Karabûkê Cevdet Akay, Parlamenterê ÎYÎ Partiyê yê Afyonkarahisarê Hakan Şeref Olgun, Parlamenterê Partiya Rêya Nû yê Enqerê Mesut Dogan û Parlamenterê TÎPê yê Stenbolê Ahmet Şik.
Ozel û Sarigul her yekê du dosye hene.
