Pompeo bertek nîsanî vetoya Rûsya û Çînê da: Sermeke mezin e

PeyamaKurd – Piştî ku doh Rûsya û Çînê biryara nûkirina berdewamkirina alîkariyên mirovî bo Sûriyê, li Konseya Ewlekariyê ya NY veto kirin, Wezîrê Derve yê Amerîkayê Mike Pompeo daxuyanî da.

Pompeo bertek nîşanî vetokirina wê biryara Neteweyên Yekbûyî ku ji sala 2014an ve alîkarî bo xelkê mexdûr ên Sûriyê tê şandin da û vetoya Rûsya û Çînê wekî şermeke mezin binav kir.

Pompeo got, "Ji aliyê Rûsya û Çînê ve vetokirina biryara Konseya Ewlekariyê ya Neteweyên Yekbûyî (KENY) ku rê li ber şandina alîkariya milyonan kesan vedikir, şermeke mezin e.”

Pompeo herwiha da zanîn ku Rûsya cara 14an û Çîn jî 8 car in biryarên alîkariyên mirovî bo Sûriyê red dikin.