Pistî valakirina navçeya Qelemunê Opozîsyonê çekên xwe radestî hikûmetê kirin  

PeyamaKurd - Artêşa Sûriyê ragihand ku li navçeya Qelemûn a bakurê rojhilatê Şamê, opozîsyonê hejmareke zêde ya çekên giran û sivik radestî wan kirine.

Ligel derketina berdewam a grûpên çekdar ji bakurê rojhilatê Şamê ber bi bakurê Sûriyê, van herdû rojên borî opozîsyonê hejmareke zêde ya çekên giran radestî Artêşa Sûriyê kirin.

Çek ji top, tank, moşek, hawan û çendîn çekên pêşketî pêk tên, ji xeynî çekên sivik ku ji doçkayê dest pê dike heta digihe keleşkofên Rûsî û çekên din ên rojavayî.

Di çarçoveya rêkeftina ligel hikûmeta Sûriyê de, tenê di hundirê hefteyekê de 400 hezar çekdarên opozîsyonê ji Xûteya Rojhilat derketine.

Nêzîka du meh û nîv berê, hikûmeta Sûriyê êrîşên xwe yên ser Feyleq Rehman û Artêşa Îslamî li Xûteya Rojhilat berfireh kirin.

Piştî bordûmaneke dijwar û mirina zêdeyî hezar kesên sivîl, Artêşa Sûriyê beşeke zêde ya Xûteya Rojhilat kontrol kir, beşê din jî bi rêkeftina ligel grûpên çekdar ket bin destê wê.