Pistî bûyera mirîdên terîqetê deriyê Basmaxê hat girtin

PeyamaKurd - Piştî ku nêzî 3 hezar derwêş û mirîdên Terîqeta Qadirî bê kontrol di deriyê Başmax re ji bo beşdarî şîniya Şêx Ebdulkerîm Kesnezanî bibin, derbasî Başûrê Kurdistanê bûn, deriyê Başmax ji bo 24 saetan bi temamî ji hatûçûnê re hate girtin.

Dema derbasbûna derwêş û mirîdan ji Rojhilatê Kurdistanê bo Başûrê Kurdistanê, alozî derketibû, hinek mirîdan bi kêr, xencer û çoyan êrîşî asayîşê kiribû. Herwiha hêzên îranî jî ew gulebaran kiribûn ku 4 ji wan hatibûn kuştin.

Rêveberê Deriyê Sînorê Başmax Lîwa Merîwan Kemal ragihand: “Niha Deriyê Sinor ê Başmax bi biryara Cîgirê Serokwezîrê Herêma Kurdistanê Qubad Talebanî ji bo dema 24 saeta bi temamî hate girtin.”