Perînçek pîrozbahî li Amedsporê kir: Em hemû miletê tirk in

RûpelNews - Dogu Perînçek di peyameke pîrozbahiyê de ku ji Serokê Amedsporê Nahit Eren re şand, diyar kir: "Bi hêza ku ji serkeftina Amedsporê digirin, em ji tevahiya cîhanê re radigihînin: Em hem tirk û hem jî hurd in; em hemû miletê tirk in!"

Peyama Perînçek wiha ye:

"Nahit Eren ê hêja

Serokê Amedsporê

Serokê me yê hêja,

Neteweya me bi şahiyeke mezin pêşwaziya serkeftina klûba me Amedsporê ya ji bo gihîştina Super Lîgê kir. Em wek Partiya Vatan vê şahiyê bi dil û can parve dikin.

Serkeftina Amedsporê ne tenê destkeftiyeke werzişî ye; ew ji bo Tirkiyeya me serkeftinek e di navê serxwebûn, yekîtî û biratiya welatê me de; ew ji bo tevahiya neteweya me û ji bo gelê Diyarbekirê serkeftinek e.

Em hemû pir baş dizanin ku Amedspor, bi rêveberiya klûbê, lîstikvan û alîgirên xwe re, dê hesteke nû ya kelecan û werzişvaniyê bîne Super Lîgê û dê serkeftinên din jî bi dest bixe.

Serkeftina Amedsporê di heman demê de ji aliyê pêvajoya yekbûna Tirkiyeyê di nav dewlet û neteweyê de xwedî girîngiyeke dîrokî ye. Hevaltîya li ser qadên futbolê dê tevkariyên nû li nirx û hestên hevpar ên tevahiya neteweya me, ji Stenbol û Îzmirê heta Erzirom û Diyarbekirê, yên ku di dîroka me de rehên wan kûr in, zêde bike.

Amedspor bi fezîlet, kerem, enerjî, hesta biratiyê, biryardarî û xebata dijwar a Diyarbekira me dikeve Super Lîgê. Çi bextewarî ye ji bo futbola Tirkiyeyê!

Ji vê perspektîfê, hemû tribûnên li seranserê Tirkiyeyê li benda wê rojê ne ku ew ê bi kelecan û hezkirinê Amedsporê bi coş bişînin.

Di futbolê de, serkeftina rastîn ne di golên hatine tomarkirin de ye, lê di xwêdana ku li ser giyayê kesk diherike de ye û di ruhê têkoşîn û werzişvaniyê de ye ku biryardarî û îradeya neteweya me xurt dike.

Hêza xwe ji serkeftina Amedsporê digirin, em ji tevahiya cîhanê re dibêjin:

Em hem tirk hem jî kurd in; em hemû miletê tirk in!

Wek hevalekî ku heta pênc saliya xwe zarokatiya xwe li Diyarbekirê derbas kiriye, ez hezkirin û rêzên xwe yên ji dil ji we, rêveberiya Amedsporê, hevalên xwe yên werzişvan û alîgirên me yên bi dilê tijî hezkirin re dişînim."