Pentagonê dronên kamîkaze yên bi navê “LUCAS”ê sandin Rojhilata Navîn

PeyamaKurd – Wezareta Berevaniyê ya Amerîkayê (Pentagon), cureyekî nû yê dronên bombebarkirî (kamîkaze) radestî Fermandariya Navendî (CENTCOM) kir û karwanê yekem li Rojhilata Navîn bi cih kir.

Li gorî nûçeya “Wall Street Journal”ê, ev gav di çarçoveya avakirina hêzeke nû ya bi navê “Yekeya Pêvedana Dûpişk” de hatiye avêtin. Balkêş e ku ev dron 4 mehan zûtirî dema ku Wezîrê Berevaniyê Pete Hegseth diyar kiribû, hatine şandin.

Dişibin “Şahid”ên Îranê 

Dronên nû yên bi navê “LUCAS”, ji aliyê şirketa “SpektreWorks”ê ve hatine hilberandin. Taybetmendiyên wan ên sereke wiha ne:

• Sêwirandin: Li ser modela drona Îranî ya “Şahid-136” hatine dîzaynkirin lê teknolojiya wan pêşketîtir e.
• Lêçûn: Buhayê her yekê nêzîkî 35 hezar dolarî ye (ji mûşekan pir erzantir).
• Şiyan: Dikarin dûr bifirin, lezgin in û hêza wan a wêrankirinê zêde ye.