Partiyên Rojhilat biryara gurkirina protestoyan dan

EuronuNews- Hizbên Kurdistana Îranê, li hev civiyan û biryar li ser pêdiviya karê hevpar û berhemdar bi armanca bihêzkirin û gurkirina tevgera nerazîbûnê dijî rejîma Îranê dan.

Civîn ji bo rêzgirtin ji ruhê şehîdên vê dawiyê li Îran û Kurdistanê dest pê kir.

Piştre Sekreterê Giştî yê Hizba Dêmokrat (PDK-Î) Mistefa Hicrî ku berpirsê bi dor yê navenda Diyalog bo hevkariya hizbên siyasî yên Kurdistana Îranê ye, armanca civînê şîrove kir û bal kişand ser erk û berpirsayetiyê ku di vê rewşê de ketiye ser milê hizbên Rojhilatê Kurdistanê.

Di civînê de behsa xwepêşandanan û nerizayetiyê hate kirin ku bi dijî rêjîmê dest pêkiriye ku bi biryara Elî Xamineyî xwepêşander bi awayê hovane haitne tepeser kirin ku li Îlam, Kirmaşan û Loristanê xwîn hatiye rijandin.