Partiyên Kurdistanî ji bo yekitiya netewî ya kurd dest bi xebatan kirin

RûpelNews - PÊLKURD, Partiya Sosyalîst a Kurdistanê (PSK), Partiya Welatparêzên Kurdistanê (PWK), VEJÎN û kesayetiyên serbixwe yên kurd, di bin navê 'Komîteya Înîsiyatîfê ya Konferansa Yekîtiya Neteweyî ya Bakurê Kurdistana' de, li navçeya Qoser ya Mardînê konferansek li dar xistin.

Konferans bi rêzgirtinê û xwendina Sirûda neteweyî, 'Ey Reqîp' dest pê kir. Partiya Welatparêz a Kurdistanê (PWK), PDK-BAKUR, HAK-PAR, Partiya Demokrat a Kurdistanê-Sûriye (PDK-S), Tevgera Azadiya Kurdistanê-Sûriye, Partiya Demokrat a Kurdî (EL Partî), Weqfa Hemîdê Smaîl Axa, Nûbihar, Komeleya Cotkaran, Odeya Bazirganiyê ya Nisêbînê, Komeleya Tixubluyê, Koma Xebat Xursî, Endamê Encûmena Şaredariya Qoserê Cebraîl Dînler û gelek rewşenbîr û siyasetmedarên kurd beşdarî konferansê bûn. 

Gotar hatin pêşkêşkirin

Cîhgirê Serokê Giştî yê PSKê Serhad Amedî, rêvebirê PÊLKURDê FûatOnen, berdevkê VEJÎNê Ferîd Azad, li ser navê kesayetiyên serbixwe Alî Oncû û Serokê Giştî yê PWKê Mustafa Ozçelîk axivîn.

Piştî axaftina nûnerên Komîsyona Hewldana Konferansa Yekîtîya Neteweyî ya Bakurê Kurdistanê, Nûnerê Yekîtîya Netewî ya Kurdan Osman Karavîl, Serokê Cemîyeta Rojnamevanan a Anadolîyê Cemîl Aydemîr, Berpirsê QoserTVyê Îsmet Ketboga, keça kurd Rewşen, Cîhgirê Serokê Giştî yê PWKyê Bedran Acar, ciwanê kurd Kadir Unalbîr û gotar pêşkêş kirin û berisa pirsan dan. 

Hat ragihandin ku dê konferansên bi vî rengî berdewan bikin.