Partiya Be’sê ya Sûriyeyê heta demekê nediyar hemû karûbarên xwe rawestandin

PeyamaKurd – Li gorî raporeke ajansa nûçeyan a Spûtnikê ya rûsî, ku xwe dispêre zarê serkirdeyekî Partiya Be’sê ya Sûriyeyê, ev partiya ku zêdetirî 60 salan çalak bû karûbarên xwe heya demeke nediyar rawestandiye.

Her weha, wî serkirdeyî ragihandiye ku wan çekên xwe radestî Wezareta Navxwe ya hikûmeta nû û ya demkî kirine.

Serkirdayetiya navendî ya partiyê biryar daye ku “kar û çalakiyên partiyê heta daxuyaniyeke din rawestîne.”