Parlementerekî PDKê: Navên wezîrên Kurd pêskêsî Kazimî hatin kirin

PeyamaKurd - Endamekî kurd yê parlementoya Iraqê ragihand, navên namzedên kurd bo kabîneya nû ya hikûmeta Iraqê pêşkêşî Mistefa Kazimî hatine kirin.

Parlementerê kurd û endamê firaksyona Partiya Demokrata Kurdistanê (PDK) li parlementoya Iraqê, Faris Mihemed Emîn got, serokwezîrê nû yê Iraqê Mistefa Kazimî heta roja 9 vê mehê mohleta wî heye kabîneya xwe pêk bîne.

Faris Mihemed Emîn her wiha got, danûstandin di navbera Mistefa Kazimî û kurdan de li ser pêkanîna hikûmetê didome. Me navên namzedên kurd bo wezaretên darayî, avedankirin û dadê pêşkêşî Mistefa Kazimî kir.

Bi gotina wî parlementerê kurd, roja çarşem yan pêncşema vê hefteyê parlementoya Iraqê dê bo pesendkirin yan jî redkirina kabîneya Kazimî bicive.