Otomobîla xwe ajot nav xelkê û 6 kesan birîndar kir

PeyamaKurd – Li bajarê Maraşê kesekî ku di salona dawetê de ket nav pevçûnê, otomobîla xwe ajot nav xelkê û di encamê de 6 kesan birîndar kir.

Li gor agahiyan; li taxa Ağcalı li bûlwara Avukat Mehmet Ali Kısakürek di saloneka dawetê de di nav 2 grûban de şer û pevçûn derket. Sedema pevçûnê nehat zanîn le yek ji wan li otomobîla xwe siwar bû û ajot nava xelkê.

Di encamê de kontrola otomobîlê ji destê wî derket û bi qederê sed metre di helan de çû jêr. Piştî qezayê ew kes otomobîla xwe hişt û reviya.

Tîmên tenduristiyê birînadaran birin nexweşxaneyên Maraşe û polîs ji bo ajotvan bigre, ket pey şopa wî.