Nûrî Malikî bi peyamekê hisyarî da

PeyamaKurd – Serokê Hevpeymaniya Dewleta Yasa Nûrî Malikî, hişyarî da û daxwaz ji aliyên ku dijî encamên hilbijartina pêşwext a Parlamentoyê Iraqê kir, xwepêşandanên wan aştiyane be.

Serokê Dewleta Yasa Nûrî Malikî li ser twitterê diyar kir: ‘‘Iraq ji demeke metirsîdar a proseya siyasî re derbas dibe û daxwaz ji neraziyan kir, rê nedin ewên ku dixwazin tevliheviyê çêbikin sûd ji wan xwepêşandanan wergirin.

Li gor encamên hilbijartina roja 10.10.2021ê, Tevgera Sedr 73 kursî, Hevpeymaniya Teqedum a di serokatiya Mihemed Helbûsî de 38 kursî, Dewleta Yasa 35 kursî û PDK jî bi 33 kursiyan ve aliyên herî zêde deng wergirtin û kursî li Parlamentoya Iraqê bidest xistine.