Neteweyên Yekbûyî hewla kustina Kazimî sermezar kir

PeyamaKurd - Ofîsa Neteweyên Yekbûyî li Iraqê (UNAMI) bi tundî hewla kuştina Serokwezîrê Iraqê Mistefa Kazimî şermezar kir.

Di daxuyaniya UNAMIyê de hat gotin: “Em dilxweş in ku Serokwezîr Kazimî di êrîşa balafirên bêmirov a li ser mala wî ya li Bexdayê de zirar nedîtiye”  û diyar kir, nabe teror, tundûtûjî û kiryarên ne yasayî, aramiya Iraqê têk bibe û proseya wê ya demokratîk hilweşîne.

UNAMIyê bang li hemû aliyan kir ku berpirsyariya xwe hilgirin û aloziyê kêm bikin, ji bo kêmkirina aloziyên siyasî û piştgiriya berjewendiya niştimanî ya Iraqê jî dest bi diyalogê bikin.