Netenyahu gefa 'çekên atomî' li Îranê dixwe
Di parvekirineke li ser platforma medyaya civakî Xê de, Serokwezîrê Îsraîlê Binyamin Netanyahu diyar kir ku ew ê nehêlin Îran çekên atomî bi dest bixe, û lê zêde kir ku ew di vê mijarê de bi Serokê Amerîkayê Donald Trump re di "lihevkirineke tam" de ne.
RûpelNews - Netanyahu tekez kir, "Heya ku ez Serokwezîrê Îsraîlê bim, Îran dê nebe xwedî çekê atomî," û anî ziman ku ew di eniya pêşîn a têkoşîna navneteweyî ya li dijî bernameya atomî ya Îranê de ye.
"Ez zêdetirî 30 salan e vê têkoşînê dikim"
Netanyahu, yê ku îdia kir ku Îran Îsraîlê dike armanc got, "Zêdetirî 30 salan e, ez di eniya pêşîn a têkoşîna navneteweyî ya li dijî bernameya atomî ya Îranê de me. Eger ev têkoşîn nebûya, Îranê dê heta niha xwedî bombeyên atomî yên ku dikarin Îsraîlê tune bikin, bûya."
Netanyahu îdia kir ku Îran "ji bo tunekirina dewleta Cihûyan dixebite" û diyar kir ku wî jiyana xwe ya siyasî ji bo pêşîlêgirtina vê yekê terxan kiriye.
Ji aliyekê di navbera Amerîka û Îranê de danûstandin ji aliyê din ve daxuyaniyên Netenyahu
Gotinên Netanyahu di demekê de hatin ku îdiayên li ser peymaneke derbarê
danûstandinên aştiyê û atomî yên di navbera Îran û Amerîkayê de di sernûçeyan de bûn.
Li gorî nûçeyên di çapemeniya navneteweyî de, tê îdiakirin ku lihevkirinek ku çalakiyên atomî û cezayên aborî di nav xwe de digire di navbera Washington û Tehranê de pêk hatiye, û ku alî nêzîkî qonaxa îmzekirinê ne. Lêbelê, berpirsên Îranî heta niha bi awayekî fermî îdiayên ku dibêjin peyman hatiye temamkirin, piştrast nekirine.
