Netanyahu: Em ê li dijî Hûsiyan jî têkevin tevgerê!

PeyamaKurd – Serokwezîrê Îsraîlê Benjamin Netanyahu ragihand ku ew ê li dijî Hûsiyan jî mîna êrîşên li ser Îranê têkevin tevgerê.

Serokwezîrê Îsraîlê Benjamin Netanyahu roja Yekşemê (Îro) piştî moşeka ku ji Yemenê hat avêtin û li Tel Avîvê ket û di encamê de 16 kes birîndar bûn, soz da ku wê bi "hêz û biryar" li dijî Hûsiyan tevbigerin.

Netanyahu di vîdyoya ku ji ofîsa xwe hat weşandin de wiha got:

"Çawa ku em bi tundî li dijî şaxên çekdar ên eksena xerab a Îranê tevgeriyan, em ê jî bi heman hêz, biryardarî û jîrî li dijî Hûsiyan tevbigerin."

Netanyahu diyar kir ku ew ê vê carê bi tena serê xwe tevnegerin û got, "Mîna me, Amerîka û welatên din jî Hûsiyan ne tenê ji bo rêwîtiya deryayê ya navneteweyî, ji bo nîzama navneteweyî jî wek tehdîd dibînin."