Namzedê Wezîrê Tenduristiyê yê Trump ji aliyê Senatoyê ve hat pejirandin

PeyamaKurd - Robert Kennedy ê ku ji aliyê Serokê DYA Donald Trûmp ve ji bo Wezîrê Tenduristiyê hate destnîşankirin û bi daxuyaniyên xwe yên li dijî aşiyê bû sedema nîqaşan, ji aliyê Senatoyê ve hat pejirandin.

Kennedy di Senatoya Amerîkayê de bi 52 dengên erê ji Komarîxwazan û 48 dengên na ji Demokratan hat pejirandin.

Senator Mitch McConnell yekane Komarparêz bû ku li dijî Kennedy deng da ku ji ber daxuyaniyên xwe yên dijî aşî û kurtajê di nav nîqaşên giştî de bû.

Kennedy diyar kir ku tenduristiya gel li welêt gav bi gav ber bi xirabûnê ve diçe, destnîşan kir ku ger bibe wezîr ew ê di gelek waran de guhertinên radîkal bike.