Misir: Me rezervên gaza xwezayî li Derya Spî dîtin!

PeyamaKurd – Hate tomarkirin ku li Misirê rezerveke mezin a gaza xwezayî di bîrên Nergisê yên li Derya Spî de heye.

Li gorî nûçeya rojnameya El-Ahram a Misrê, Wezîrê Petrol û Çavkaniyên Madenê Tariq El-Molla di civîna îro ya komîteya enerjiyê de derbarê vedîtina nû de daxuyaniyek da.

Keşfa herî girîng

Molla diyar kir, rezerva gazê ya li Nergis-1X ku yekem bîra sondaja deryayî ya Misrê ye di bin nirxandinê de ye û got, ev rezerva piştî zeviya Zohr keşfa herî girîng e.

Molla diyar kir, wê di rojên pêş de hûrguliyên derbarê rezerva di bîrê de bên eşkerekirin.

Tê texmînkirin, li Narcissus-1X 3,5 trîlyon metrekup rezervên gazê hene.