Mesrûr Barzanî: Pêwendiyên me ligel Hikûmeta Iraqê di asteke bas de ne

PeyamaKurd – Serokwezîr Mesrûr Barzanî ragihand ku pêwendiyên Hikûmeta Herêma Kurdistanê ligel Hikûmeta Iraqê di asteke baş de ne.

Foruma 2024ê ya Enstîtuya Lêkolînên Rojhilata Navîn (MERI) ya bi sernavê “Ber Rêvebiriya Baş û Serkeftinê” doh li bajarê Hewlêrê destpê kir û wê du rojan berdewam bike.

Serokwezîr Barzanî di civîna ku di çarçoveya foruma ku tê de beşdar bû de pêwendiyên navbera Herêma Kurdistanê û hikûmeta federal nirxand.

Mesrûr Barzanî amaje bi wê yekê jî kir ku Herêma Kurdistanê her dem amade ye îradeya xwe ya baş ji bo çareserkirina pirsgirêkan li gel hikûmeta federal nîşan bide û got, "Pêwendiyên her du aliyan niha di asteke baş de ne û piraniya wan şaştêgihiştinên ku beriya niha hatibûn kirin, hatine çareserkirin. "

Serokwezîr Barzanî amaje bi wê yekê jî kir, ku divê pêwendiyên her du partiyan li ser bingeha destûrê bin û got, eger destûr bi temamî were cîbicîkirin, pirsgirêkên di navbera her du partiyan de bi hêsanî çareser dibin.

Serokwezîr Mesrûr Barzanî amaje bi wê yekê jî kir, ku bi giştî pêwendiyên wî yên pir baş û dostayetiyên nêzîk ligel serkirdeyên Iraqê hene û got ku, hinek kes li Bexdayê bi zihniyeta navendîparêziyê bawer in ku heta niha nikarin rastiya federalî û demokrasiyê fêm bikin û hewlên cidîtir jî hene. divê ji bo çareserkirina vê pirsgirêkê were kirin.

Herwiha Serok Barzanî amaje bi wê yekê jî kir ku pêwîst e hikûmeta federal li gel hemû hemwelatiyên Iraqê bi awayekî wekhev tevbidegere û li ser asta federalî derfeta wekhev ji bo hemû welatiyan pêk bîne.