Mesrûr Barzanî: Gelê Kurdistanê dê her tim bi ser bikeve

PeyamaKurd - Serokwezîrê Herêma Kurdistanê Mesrûr Barzanî, îro 20ê Cotmehê li Pîrmamê piştî ku dengê xwe ji bo xula şeşemîn a hilbijartinên Parlamentoya Herêma Kurdistanê da ragihand: “Hêvîdar im hemû welatiyên ku mafê wan ê dengdanê heye îro biçin ser sindoqan û biryarê li ser diyarkirina nûnerên xwe û hikûmeta xwe ya bê bidin.”

Mesrûr Barzanî hêvî xwest ku hilbijartinên îro yên parlementoyê di keşeke aram de derbas bibin û got: “Hêvîdar im gelê Kurdistanê îro xelata xizmet û dirustiya xwe bide û kesên ku bi çarenivîs û mafên gelê Herêma Kurdistanê dilîze ceza bike.”

Serokwezîr Barzanî diyar kir: “Hêvîdar im serkeftin ji bo Kurdistanê be û ez bawer im gelê Kurdistanê dê her tim biser bikeve.”