Mesrûr Barzanî: Bi wergirtina derziya li dijî Koronayê Kurdistanê biparêzin

PeyamaKurd – Serokwezîrê Herêma Kurdistanê Mesrûr Barzanî, bi peyameke li ser hesabê xwe yê Twitterê diyar kir; heta niha zêdetirî milyonek derziya Koronayê ji bo xelkê Herêma Kurdistanê dabîn kirine.

Serokwezîr Mesrûr Barzanî herwiha ji welatiyan daxwaz kir, erkê xwe cîbicî bikin û bi wergirtina derziya li dijî Koronayê, Kurdistanê biparêzin.

Mesrûr Barzanî di peyama xwe de da zanîn: “Me heta niha zêdetirî milyonek derziyên Koronayê dabîn kirine, niha dora we ye ku hûn erkê xwe cîbicî bikin, derziyê werbigrin û Kurdistanê biparêzin.”