Matthew Miller: Hizbullaha Lubnanê ji ber derbên xwarine daxwaza agirbestê dike

PeyamaKurd - Berdevkê Wezareta Derve ya Amerîkayê Matthew Miller ragihand ku Hizbullaha Lubnanê ji ber derbên ku di çend rojên dawî de lê ketine, daxwaza agirbestê dike.

Matthew Miller, di civîna rojnamevanî de got: “Daxwaziya Hizbullahê ji bo sekinandina şer dide xuya ku ew kom di bin guvaşê de ye û bi berdewamî derbe lê dikevin.”

Miller diyar kir: “Salek bû ku cîhanê daxwaza vê agirbestê dikir lê Hizbullahê ev erê nedikir û niha ku Hizbullah ketiye bin guvaşê û bi berdewamî derbe derban dixwe, ji nişkêve guherî ye û li pey agirbestê ye”.

Berpirsê Amerîkî got ku Amerîka wekî berê niha jî li pey rêçareyên dîplomatîk e.