Macron û Merkelê ji bo ‘artêsa hevbes’ gava yekem avêtin

PeyamaKurd - Serokomarê Fransayê Emmanuel Macron û Serokwezîra Almanyayê Angela Merkel peymana nû ya dostaniya Fransa-Almanyayê îmze kirin.

Piştî îmzekirina peymanê Angela Merkelê got, “Peymana nû ya ku me bi Fransayê re îmze kiriye, gaveke girîng e ji bo avakirina artêşa hevbeş a Ewropayê.”

Peymana nû ya dostaniyê di navbera Almanya û Fransayê de ku gelek babetên aborî û siyasî vedihewîne nav xwe, îro 22yê Çileyê 2019an di salvegera 56emîn a Peymana dîrokî ya Elyseeyê de hat îmzekirin.

Bi peymana nû mebest, derxistina asta herî bilind a pêwendiyên dualî ye ku ev peyman ji bo 28 endamên Yekîtiya Ewropayê xwedî girîngiyeke mezin e.