Li Wanê di encama serê bi kevir, kêr û daran de 14 kes birîndar bûn

PeyamaKurd – Li navçeya Tûşba ya Wanê di encama şerê bi kevir, kêr û daran di navbera du malbatan de 14 kes birîndar bûn.

Dema partiyên her du malbatên ku hefteya borî ji ber sedemeke nediyar şer kiribûn, li Îskele Mehallesiyê li hev hatin, di navbera wan de nîqaş derket.

Di encama nîqaşa ku veguherî şerê ku kevir, dar û kêr hatin bikaranîn de 3 kesên birîndar rakirin Nexweşxaneya Dursun Odabaş a Zanîngeha Yuzuncu Yilê.

Xizmên her du malbatan ên ku bûyer bihîstin çûn nexweşxaneyê, li baxçeyê nexweşxaneyê dîsa li hev ketin.

Bi girtina nûçeyê re hejmarek zêde polîs sewqî cihê bûyerê hatin kirin.

Di şer de ji her du aliyan 11 kesên din birîndar bûn, hin wesayît jî hatin derbkirin.

Birîndar rakirin nexweşxaneyên cuda, ekîbên polîsan li derdora nexweşxaneyê tedbîr girtin. (Çavkanî: AA)