Li Ûrmiyê 23 kesên din ji ber vîrusa Koronayê can dan

PeyamaKurd – Li parêzgeha Ûrmiyê ya Rojhilatê Kurdistanê 23 kesên din ji ber vîrusa Koronayê can dan û nêzîkî 600 kesên din jî bi vîrusê ketin.

Li gor Tenduristiya Parêzgeha Ûrmiyê diyar kir, do li parêzgehê 23 kes ji ber Koronayê can dan û hejmara miriyan gihîşt 2 hezar û 865 kesan.

Herwiha Tenduristiya Ûrmiyê destnîşan kir, do 588 kes jî bi Koronayê ketin û hejmara pêketiyan gihîşt 87 hezar û 629 kesan. Rewşa 73 nexweşan jî gelekî xerab e.

Li gorî amarên dawî, temenê %75 kesên ku li Ûrmiyê bi Koronayê ketine, di navbera 15-54 salî de ye.