Li Tetwan a Bedlîsê qeza çêbû: 1 mirî û 4 birîndar

PeyamaKurd- Li navçeya Tetwan a bi ser Bedlîsê otomobîlekî û TIR ekî lihev ketin û di encamê de 1 kes can da û 4 kes birîndar bûn. Qeza ber destê êvarê çêbû.

Otomobîl bi qezayê re pekiya kenarê rê û bû weka xurde. Kesê bi navê A.C. li ciyê bûyerê can da. 4 kesên di nav otomobîlê de giran birîndar bûn. Kesên di nav erebê de asê mabûn, bi xebata îtfaiya navçeya Tetwanê ji erebê hatin derxistin.

Tîmên tenduristiyê birîndaran bi ambûlansan birin nexweşxaneyên navçeya Tetwan û bajarê Bedlîsê. Lêpirsîna di derbareyê qezayê de dewam dike.