Li Tehran û Îsfahanê teqînên mezin çêbûn
Hate ragihandin ku di saetên serê sibê yên îro de li Tehran a paytexta Îranê û li bajarê Îsfahanê dengê gelek teqînên mezin hatin bihîstin. Li gorî zanyariyên destpêkê, ji ber bandora teqînan avahî li hin deveran lerizîn û elektrîk qut bû.
RûpelNews - Li gorî çavkaniyên herêmî, teqîn îro berbangê sibehê derdora saet 02.00an qewimîn. Hat destnîşankirin ku dengê teqînan li beşên rojavayî û başûrê Tehranê, her wiha li hin wargehên derdorê, bi taybetî Kerec, hatine bihîstin. Hin niştecihên herêmê diyar kirin ku hejînê bandor li pencere û dîwarên malên wan kiriye.
Elektrîk qût bû
Li hin taxên Tehranê qutbûna elektrîkê hat ragihandin; bi taybetî, hat ragihandin ku piştî dengên teqînan li herêma " Shahrak-e Rah Ahan" elektrîk qut bû. Her wiha hat ragihandin ku dengên teqînan li derdora Balafirgeha Mehrabadê û li herêmên pîşesazî yên Kerecê hatine bihîstin.
Li Îsfahanê jî teqînên mezin çêbûn
Piştî geşedanên li paytextê, hat ragihandin ku dengê teqînan li bajarê Îsfahanê derdora saet 03.20 hate bihîstin. Hat ragihandin ku li hin deverên bajêr teqînên li pey hev hatine bihîstin û ji ber lerzê panîk çêbûye.
Çavkaniyên herêmî îdia kirin ku teqîn bi taybetî li nêzî hin xalên stratejîk çêbûne. Di vê çarçoveyê de, şahidhalên bûyerê gotin ku teqîn li deverên ku binkeyên leşkerî lê hene, çêbûn.
Lêbelê, rayedarên Îranê heta niha derbarê sedema teqînan an jî hejmara mirî û birîndaran de daxuyaniyeke fermî nedane.
