Li Stenbolê 6 kes bi tohmeta propagandaya PKK û YPGê kirine hatin binçavkirin

PeyamaKurd – Bi tohmeta propagandaya PKK û YPGê kirine, li Stenbolê 6 kesên ji Rojavayê Kurdistanê, hatin binçavkirin.

Yekîneyên ser bi Rêveberiya Şûbeya Rûbirûbûna Terorê li Stenbolê, li 7 navçeyan bi awayekî hemwext operasyonek pêk anîn.

Li gor zanyariyên medya Tirkiyê, bi tohmeta ku bi rêyên qaçax derbasî Tirkiyê bûne û li ser hesabên xwe yên medya civakî propagandaya PKK,YPG, PYD kirine, 6 kesên ji Rojavayê Kurdistanê hatin binçavkirin.

Kesên hatin desteserkirin bo Rêveberiya Ewlehiyê hatine veguhestin.

Herwiha li gor zanyariyên hatine belavkirin, lêgerîna 2 kesên din bi heman hincetê berdewam dike.