Li ser sînorê Rojava-Bakur ciwanek hat kustin yek jî birîndar bû

PeyamaKurd – Hat ragihandin ku du ciwanên dixwestin ji Rojavayê Kurdistanê derbasî Bakur Kurdistanê bibin li ser sînor rastî gulebarana cendermeyên tirk hatine û yek ji wan ciwanan hatiye kuştin, ciwanek jî bi îşkenceyê birîndar bûye.

Li gorî zanyariyên xwecihî, ciwanê bi guleya cendermeyên Tirk hatiye kuştin navê wî  Hemadî Ebid El-Hisên e û ji navçeya Deşîşa ya bajarê Hesekê ye.

Herwiha hatiye diyarkirin ku cendermeyan îşkence li ciwanê din ê bi navê Mihemed Letîf El-Ezawî jî kirine ku ji navçeya Mergedê ya Hesekê ye.

Hat zanîn her du ciwanan hewl dida ji aliyê sînorê li hember gundê Etşan a rojavayê Dirbêsiyê derbasî Bakurê Kurdistanê bibin.