Li Rojavayê Kurdistanê rewsa dawî ya Covid-19: Mirin û pêketin zêde dibin

PeyamaKurd - Desteya Tenduristiyê ya Rêveberiya Xweser ragihand ku di 24 demjimêrên borî de 130 kesên din bi vîrûsa koronayê (Covid-19) ketine û 4 kes jî mirine.

Hevserokê Desteya Tenduristiya Rêveberiya Xweser Dr. Ciwan Mistefa eşkere kir, di 24 saetên borî de 4 kes ji ber koronayê mirine û herwiha 130 pêketiyên nû yên Covid-19 hatine tomarkirin ku 4 nexweş jî baş bûne.

Dr. Ciwan Mistefa berî niha hişyariya pêla 4an a belavbûna zêde ya koronayê dabû û gotibû, ew neçar bimînin ew dê tedbîrên nû yên sînordar ragihînin.

Li Rojavayê Kurdistanê hejmara giştî ya pêketinên vîrûsa koronayê gihîştiye 20316 kesan, ji wan 1954 kes baş bûne û 788 kes jî mirine.