Li Meclîsa Tirkiyê axaftina Kurdî ya parlamentera HDPê hat birîn

PeyamaKurd – Li Meclîsa Tirkiyê, axaftina Kurdî ya parlamentera HDPê ya Rihayê Aşye Surucu, hat birîn û nehiştin bi Kurdî biaxive.

Li Meclisa Tirkiyeyê, do li ser butçeya sala 2022yan a Wezareta Teknolojî û Sanayiyê û butçeya saziyên girêdayî Wezareta Karên Hundir axaftin hebûn. Parlamentera HDPê Surucu jî mafê axaftinê girt. Surucu pêşî qala girtiyên nexweş Aysel Tugluk û yên din kir û got, divê di cih de ew bên berdan.

Surucu pişt re eşkere kir ku ew dixwaze çend tiştan jî bi Kurdî bêje û dû re van gotinan veguherîne Tirkî. Piştî dest bi axaftina bi Kurdî kir, mîkrofona wê hat girtin û nehiştin ew bi Kurdî bidomîne.